تەقینەوەیەک لە کەرکوک 4 کەس دەکاتە قوربانی
وێنەی رووداوەکە
SNN- سیروان حەسەن
سەر لە بەیانی ئەمڕۆ سێشەممە لە بازگەی مریەم بەگ لەسەر رێگەی کەرکوک – تکریت تەقینەوەیەک روویدا و هاووڵاتییەک کە لەڕەگەزی مێیە، کوژراوە و سێ کەسی دیکە کە کارمەندی بازگەکەن، بریندار بوون.
سەرچاوەیەکی ئەمنی بە پەیامنێری SNNی راگەیاندووە، خۆکوژێک بە ئۆتۆمبێلێکی بۆمبڕێژکراوەوە خۆی کردووە بە ناو بازگەکەدا و ژنێک کوژراوە و سێ کارمەندی بازگەکەش کە پۆلیسن، بریندار بوون.
بەوتەی سەرچاوەکە، تیمەکانی فریاکەوتن و لێکۆڵینەوە گەیشتوونەتە شوێنی رووداوەکە و دۆسێی لێکۆڵینەوەش ئامادە کراوە و بریندارەکانیش گواستراونەتەوە بۆ نەخۆشخانە.
