لە عێراق 4644 کەسی دیکە تووشی کۆرۆنا بوون
نهخۆشخانهى (شههید تاهیر عهلى والى بهگ) تایبهت به كۆرۆنا له سلێمانى | فۆتۆ: SNN
SNN
وهزارهتی تهندروستیی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای بڵاوکردەوە و بەگوێرەی راگەیەنراوەکەیان، 63 کەسی دیکە لەو ماوەیەدا بە کۆرۆنا مردوون.
بهگوێرهی راگهیهندراوهكهی وهزارهتی تهندروستیی عێراق، لهماوهی 24 كاتژمێری رابردوودا پشكنین بۆ 23 ههزار 872 كهس ئهنجامدراوه و تووشبوونی 4 ههزار و 644 كهسی دیكه به پهتاكه پشتڕاست كرایهوه.
وهك لهراگهیهندراوهكهدا هاتووه، لهماوهی شهو و رۆژێكدا 63 كهسیش بههۆی پهتاكه گیانیان لهدهستداوه و 3 ههزار و 891 حاڵهتی چاكبوونهوهش راگهیهندراوه.
کۆی ژمارەی تووشبووان لەعێراق بە ڤایرۆسی کۆرۆنا، تا ئەمڕۆ گهیشتۆته 256 ههزار و 719 حاڵهت، لهو ژمارهیهش 7 ههزار و 422 كهس بههۆی ڤایرۆسهكهوه گیانیان لهدهستداوه و 195 ههزار و 259 كهسیش بهتهواوی چاكبوونهتهوه 54 ههزار و 38 كهسیش له نهخۆشخانهكان لهژێر چاودێری پزیشكیدان.
