محەمەد حەلبوسی سەردانی ھەولێر دەکات
محەمەد حەلبوسی
SNN-مەودا مستەفا
بڕیارە ئەمڕۆ محەمەد حەلبوسی سەرۆکی ئەنجومەنی نوێنەرانی عێراق بگاتە هەولێر و لەگەڵ بەرپرسانی هەرێمی کوردستان کۆببێتەوە.
سەرچاوەیەکی ئاگادار بە SNNی ڕاگەیاند بریار وایە حەلبوسی ئەمڕۆ سەردانی ھەولێر بکات، ئەو سەردانە بۆ باسکردنی یاسای ھەڵبژاردنی عێراقە، بە دیاریکراویش ماددەی 50 کە باس لە دابەشکردنی پارێزگاکان دەکات لەسەر بنەمای فرە بازنەیی، بەجۆرێک ھەر قەزایەک بازنەیەک بێت.
سەرچاوەکە وتیشی، بەشێک لە لایەنە کوردییەکان رازی نین لەسەر ئەو پێشنیازە چونکە دەزانن بە زیانی ئەوان تەواو دەبێت، ھەربۆیە داوایانکردووە ئەو سیستەمە لە ھەرێمی کوردستان جێبەجێ نەکرێت.
پێشتر سەرۆكی پەرلەمانی عێراق داوای پەسەندکردنی پڕۆژەیاسای هەڵبژاردنەکانی کرد و رایگەیاندووە، “پێویستە هەموان هەست بە بەرپرسیارێتی بكەن بۆ تێپەڕاندنی یاساكان و بەڕێوەچوونی هەڵبژاردنی پێشوەختە”.
