لیژنهی لاوان و وهرزشی پهرلهمانی عێراق:یاسای یانه وهرزشییهكان له دوایین ههنگاوهكاندایه
وەزارەتی لاوان و وەرزشی عێراق
SNN Sport
لیژنهی لاوان و وهرزشی پەرلهمانی عێراق رایگهیاند كه یاسای یانه وهرزشییهكان له دوایین ههنگاوهكانیدایه بۆ بریاردان له سهری له ئهنجوومهنی نوێنهران.
لیژنهكه له بهیاننامهیەكیدا وتی:” خوێندنهوهی دووهمان تهواو كرد بۆ یاسای یانه وهرزشییهكان ، بهمهش یاساكه له رێگادایه بۆ دوایین ههنگاو، ئهویش دنگدانه ، لیژنهكهمان ئهو پێشنیارانهی كه نێردراون بۆ لیژنهكه یان له رێی تۆڕه كۆمهڵایەتییهكان یاخود له رێی پۆستهی تایبهت به لیژنهكه له بهرچاو گرتووه”.
ههروهها وتی:” چهندین دانیشتن له رێی ئۆنلاینهوه ئهنجامدراوه لهگهڵ پسپۆرانی تایبەت به وهرزش و ئاكادیمییهكان و كهسیاتییهكان كه ههوڵهكانیان خسته گهڕ له پێشكهشكردنی پێشنیارهكانیان و بۆچوونهكانیان سهبارهت به یاساكه “.
ئاماژهی بۆ ئهوه كرد كه:” له رۆژانی داهاتوو ههوڵهكانیان چڕ دهكهنهوه له پێناو تەواوكردنی سهرجهم رێکكارهكان كه هاوكار دهبن له تهواوكردنی یاسایهك شهقامی وهرزشی به پهرۆشهوه چاوهڕوانیەتی”.
لیژنهكه دووپاتی كردهوه ” بهردهوامبوون به دهركردنی یاسای یانه وەرزشییهكان به هاوكاری وهزارهتی لاوان و وهرزش له پێناو كۆتاییهێنان بە دۆسێی یاسا وهرزشیهكانە”.
