سەرۆکوەزیرانی نوێی ژاپۆن دیاریکرا

SNN

دوای ئەوەی شینزۆ ئابێ سەرۆکوەزیرانی ژاپۆن بەهۆی نەخۆشییەوە دەستبەرداری پۆستەکەی بوو، یۆشیهیدێ سوگا-ی بۆ شوێنگرەوەی خۆی دیاریکرد، میدیاکانیش دەڵێن، لەناو پارتەکەی ئابێ-دا کۆدەنگی هەیە بۆ دیاریکردنی سوگا بۆ ئەو پۆستە.

سوگا-ی تەمەن 71 ساڵ لە ئیدارەی ئێستای ژاپۆندا پۆستی وەزیری دەرەوەی بەڕێوەدەبرد، بە دۆستێکی نزیکی ئابێ دادەنرێت و پێشبینی دەکرێت بەردەوامی بدات بە سیاسەتەکانی ئابێ.

لە ئێستادا کە پارتی لیبڕاڵ دیموکرات لە ژاپۆن (پارتی فەرمانڕەوا) نوێنەری خۆیان بۆ پۆستی سەرۆکوەزیرانی ژاپۆن دیاریکردووە، رۆژی چوارشەممە لە پەرلەمانی ئەو وڵاتە دەخرێتە دەنگدانەوە، شرۆڤەکارانیش دەڵێن، هیچ گومانێک لەوەدا نییە کە دەنگی پێویستی پێدەدرێت.

پێشبینی دەکرێت، سوگا ماوەی سەرۆکایەتی لە ژاپۆن تەواوبکات کە یەک ساڵی ماوە، تا ئەیلولی ساڵی داهاتوو کە هەڵبژاردنی نوێ لە ژاپۆن ئەنجامدەدرێت.