رووبەڕووبوونەوەی کۆرۆنا لە هێرشەکانی پێرل هاربەرو 11ی سێپتێمبەر سەختترە

رۆژی چوارشەممە، لەکۆنگرەیەکی رۆژنامەوانیدا لەکۆشکی سپی، دۆناڵد ترەمپ سەرۆکی ویلایەتە یەکگرتوەکانی ئەمریکا رایگەیاند، روبەروبونەوەی کۆرۆنا لە هێرشەکانی (پێرل هاربەر) و هێرشەکانی 11ی سێپتێمبەر سەختترە، لەبارەی کاریگەرییەکانی کۆرۆنا و رێژەی زۆری بێکاری کە بەوهۆیەوە دروستبوە، ترەمپ رایگەیاند، “کەس ئەو تۆمەتبار ناکات بۆ ئەو مەبەستە”.

راشیگەیاند، ئەمریکییەکان نایانەوێت چیتر بچنە ژێر باری درێژەپێدانی قەدەغەکردنی هاتوچۆ، هەروەها سەرۆکی ئەمریکا جارێکی دیکە چینی بەهۆکاری بڵاوبونەوەی کۆرۆنا تۆمەتبار کردو رایگەیاند: دەتوانرا ئەو نەخۆشییە لەچین رێگەی پێبگیرێت، بەڵام نەکرا.