ترەمپ: بەنیاز بووم بەشار ئەسەد بکوژم، بەڵام وەزیری بەرگری رازی نەبوو

SNN

لە چاوپێکەوتنێکیدا لەگەڵ کەناڵی فۆکس نیوز دۆناڵد ترەمپ سەرۆکی ئەمریکا وتی: “تاوتوێی کوشتنی بەشار ئەسەد سەرۆکی سوریام لەگەڵ جەیمس ماتیس وەزیری پێشووی بەرگری کرد، بەڵام ئەو پێی باش نەبوو”.

ترەمپ وتیشی: “هەلی ئەوەم بۆ هاتە پێشەوە لەکاتی خۆیدا ئەسەد بسڕمەوە، بەڵام کاتێک بیرۆکەکەم باس کرد بۆ هاوکارەکانم لە وەزارەتی بەرگری پێیان باش نەبوو بڕیارێکی لەو جۆرە بدەم”.

بەگوێرەی لێکدانەوەی کەناڵە ئەمریکییەکە، ترەمپ ئەو کاتە بەنیازی کارێکی وا بووە کە بەشار ئەسەد سەرۆکی سوریا تۆمەتبار کرا بە کیمیابارانکردنی هاووڵاتییانی خۆی لە سوریا لە ساڵی 2017دا.