باڵیۆزی ئەمریکا: نامانەوێت هێزەکانمان بۆ هەمیشە لە عێراق بمێننەوە

SNN

باڵیۆزی ئەمریکا لە بەغدا رایدەگەیەنێت: ئەمریکا نایەوێت بۆ هەمیشەیی هێزەکانی لە عێراق بهێڵێتەوە و هەرکاتێک کە گونجاوبوو.

ماسیو تۆڵەر لە چاوپێکەوتنێکیدا لەگەڵ تۆڕی هەوڵی عەرەبیە، رایگەیاند، ئەمریکا نایەوێت کشانەوەی هێزەکانی لە عێراق ببێتە هۆی سەرهەڵدانەوەی داعش و ئەم پرسەش لەگەڵ هێزەکانی عێراقدا باسدەکەن.

تۆڵەر لە درێژەی قسەکانیدا باسی لە چەند پرسێکی جیاوازکرد، لەوانە، هەڵبژاردنی پێشوەختەی عێراق و پشتیوانی وڵاتەکەی بۆ “هەڵبژاردنێکی ئازاد و دادپەروەر کە هەموو چین و توێژێک بتوانن بەشداری تێدا بکەن” دووپاتکردەوە.

سەبارەت بە هێرشە مووشەکییەکانی ناوچەی سەوزی بەغدا، کە زیاتر ئەو ناوچانە دەکرێنە ئامانج کە هێزی ئەمریکی و هاوپەیمانانی لێیە، باڵیۆزی ئەمریکا وتی: “ئەو هێرشانە لێدانە لە سەروەری حکومەتی عێراق”.

وتیشی، ئەمریکا هاوکاربووە لە گەڕاندنەوەی چوار ملیۆن و 500 هەزار ئاوارە بۆ زێدی خۆیان.