ئالڤێس ده‌یەوێت ئه‌زموونێكی نوێ له ئه‌وروپا تاقیبکاتەوە
دانی ئەلڤێز
SNN Sport
سه‌رچاوه رۆژنامه‌وانییه‌كان رایانگه‌یاند دانی ئالڤێسی به‌رازیلی و یاریزانی یانه‌ی ساوپاولۆ، بڕیاری گه‌ڕانه‌وه‌ی داوه بۆ یاریكردن له ئه‌وروپا .
ئالڤێس ئه‌زموونێكی گه‌وره ی له كیشوه‌ره پیره‌كه ئه‌نجامداو یاری له‌گه‌ڵ سڤییا، بەرشەلۆنە ، یۆڤانتۆس و پاریس سان جێرمان کردووە پێش ئه‌وه‌ی له هاوینی ساڵی رابردوو بگه‌رێته‌وه به‌رازیل.
ئه‌و سه‌رچاوانه روونیانكرده‌وه كه ئەلڤێس بڕیاریدا ساوپاولۆ به‌جێبهێڵێت و ئاره‌زوو ده‌كات بگه‌رێت به دوای په‌یوه‌ندیكردن به تیپێكی ئه‌وروپی له‌م وه‌رزدا و دووپاتیان كرده‌وه كه ده‌یەوێت یانەکەی ئێستای جێبهێڵێت، ئەمەش به هۆی ئه‌نجامه خراپه‌كانی تیپه‌كه كه له دوایین 3 یاریدا یه‌كسان بووه.
هه‌روه‌ها رووبه‌ڕووی ره‌خنه‌ی هاندەران بوویەوە، ئەمەش به هۆی هه‌ڵسوكه‌وتی له ده‌ره‌وه‌ی یاریگادا.
