حکومەتی هەرێم 12 ملیۆن دۆلار دەداتە حەقدەستی کۆمپانیایەکی نەوتیی بەریتانی
نەوتی هەرێمی کوردستان Haider Mohammed Ali / AFP
SNN
کۆمپانیایەکی نەوتیی بەریتانی کە سەرپەرشتیی کێڵگەیەکی نەوت دەکات لە هەرێم، رایدەگەیەنێت “بڕی 12 ملیۆن دۆلاری لە حکومەتی هەرێم وەرگرتووە”.
کۆمپانیای گەلف کیستۆن-ی بەریتانی راشیگەیاندووە “لە بەرامبەر دەرهێنانی نەوتی کێڵگەی شێخان لە مانگی ئابی ساڵی رابردوودا بڕی 12.7 ملیۆن دۆلاری لە حکومەتی هەرێم وەرگرتووە”.
کۆمپانیا بەریتانییەکە سەرپەرشتی دەرهێنان و هەناردەی نەوتی کێڵگەی شێخان دەکات لە هەرێمی کوردستان و بارەگای سەرەکیشی لە بەرمۆدە-یە.
