سه‌ركرده‌یه‌كى خۆكوژى داعش كوژرا
لیوا یه‌حیا ڕه‌سوڵ، وته‌بێژى فه‌رمانده‌ى گشتى هێزه چه‌كداره‌كانى عێراق
SNN
وته‌بێژى فه‌رمانده‌ى گشتى هێزه چه‌كداره‌كانى عێراق رایگه‌یاند: چه‌كدارێكى خۆكوژى داعش له كه‌ركوك كوژراوه، وتیشى: “پشتوێنى بۆمبڕێژكراوى به‌ستووه”.
لیوا یه‌حیا ڕه‌سوڵ، وته‌بێژى فه‌رمانده‌ى گشتى هێزه چه‌كداره‌كانى عێراق له راگه‌یه‌نراوێكدا رایگه‌یاند: “ئێواره‌ى رۆژى هه‌ینى چه‌كدارێكى خۆكوژیان كوشتووه”.
له‌باره‌ى ناسنامه‌ى ئه‌و چه‌كداره‌وه لیوا یه‌حیا ڕه‌سوڵ ئه‌وه‌شى خستووه‌ته‌ڕوو: “هێزه‌كانى دژه تیرۆر توانیوویانه له ناوچه‌ى وادى شاى له باشوورى كه‌ركوك ئه‌و خۆكوژه بكوژن، له‌كاتێكدا كه پشتوێنێكى بۆمبڕێژكراوى به‌ستووه”.
به وته‌ى لیوا یه‌حیا ڕه‌سوڵ، “بكوژه‌كه پێش ئه‌وه‌ى خۆى بته‌قێنێته‌وه كوژراوه”.
