چوار یاریزانی دیاری بەرشەلۆنە بە کەمکردنەوەی مووچە رازی نابن

SNN Sport

سەرۆکی یانەی بەرشەلۆنە بارتۆمیۆ، جارێکی تر دەیەوێت بەهۆی قەیرانی ڤایرۆسی کۆرۆنا و کەمبوونەوەی داهاتی یانەکە، مووچەی گشت یاریزانانی یانەکەو ئەندامان و فەرمانبەران کەمبکاتەوە.

یانەی بەرشەلۆنە دەیەوێت مووچەی یاریزانەکانی بە رێژەی %20 کەمبکاتەوە، ئەمەش یاریزانانی نیگەران کردووەو لە ئێستادا بەشێكیان رەتیدەکەنەوە.

بە پێی زانیاری رۆژنامەی مۆندۆ دیپۆرتیڤۆی نزیک لە بەرشەلۆنە، چەند یاریزانێكی دیاری یانەکە کە میسی تێدایە، ئامادە نین لەم کاتەی ئێستا هاوکاری ئیدارەی یانەکە بکەن بۆ کەمکردنەوەی مووچەکەیان، بێجگە لە میسی، هەریەکە لە بۆسکێتس، سێرجی رۆبێرتۆ و پیکێش بە هەمانشێوە نایانەوێت مووچەیان کەمبکرێتەوە.

لە وەرزی رابردوو یانەی بەرشەلۆنە مووچەی یاریزانانی بە رێژەی لە %70 کەمکردەوە، ئەمەش وایکرد یانەکە بڕە پارەیەکی باشی بۆ بگەڕێتەوە، چونکە ساڵانە  یانەکە زۆرترین مووچە لە ئەوروپا بە یاریزانانەکانی دەدات  کە زیاترە  یەک ملیار یۆرۆ.