مێركڵ: ههڵبژاردنى داهاتووى عێراق متمانهى هاووڵاتییان به پرۆسهى سیاسى دهگێڕێتهوه
كۆنگرهى رۆژنامهوانى مستهفا كازمى، سهرۆكوهزیرانى عێراق و ئهنگێلا مێركڵ، راوێژكارى ئهڵمانیان | نووسینگهى سهرۆكوهزیران
SNN
راوێژكارى ئهڵمانیا رایگهیاند: ههڵبژاردنى داهاتووى عێراق متمانهى هاووڵاتییان به پرۆسهى سیاسى دهگێڕێتهوه، دهشڵێت: لهڕووى ئابوورییهوه هاوكارى عێراق دهكهین.
ئهمڕۆ سێشهممه مستهفا كازمى، سهرۆكوهزیرانى عێراق لهمیانى سهردانهكهیدا بۆ ئهڵمانیا لهگهڵ ئهنگێلا مێركڵ، راوێژكارى ئهڵمانیا كۆبووه و لهدواى كۆبوونهوهشیان كۆنگرهیهكى رۆژنامهوانى هاوبهشیان ئهنجامدا.
له سهرهتاى كۆنگره رۆژنامهوانییهكهدا ئهنگێلا مێركڵ رایگهیاند: “ئێمه وهك ئهڵمانیا ئامادهین بهههموو شێوهیهك یارمهتى عێراق بدهین له پلانه ئابوورییهكانیدا بۆ بووژاندنهوه وڵات”.
وتیشى: “ئهنجامدانى ههڵبژاردن له مانگى حوزهیرانى ساڵى داهاتوودا متمانهى هاووڵاتیيانى عێراق به پرۆسهى سیاسى دهگهڕێنێتهوه”.
دواتر مستهفا كازمى، سهرۆكوهزیرانى عێراق ئاماژهى بهوهكرد: “ئهڵمانیا هاوكارێكى گرنگه بۆ عێراق و بۆ ئێمه گرنگه لهڕووى ئابوورى و سیاسى و سهربازى و ههواڵگرییهوه پهیوهندییهكانمان پتهو تر بكهین، تاوهكو بتوانین سوود له ئهزموونى ئهڵمانیا وهربگرین”.
وتیشى: “هیوادارین كۆمپانیاكانى ئهڵمانیان هاوكارمان بن بۆ دووباره بووژاندنهوهى كهرتى كارهبا له عێراق، چونكه ئێستا ئێمه پلانى دووباره بووژاندنهوهى ئهو كهرتهمان داناوه”.
