کازمی ئەڵمانیای بەرەو بەریتانیا جێهێشت
مستەفا کازمی
SNN
مستەفا کازمی سەرۆکوەزیرانی عێراق کۆتایی بە گەشتەکەی بۆ ئەڵمانیا هێنا و بەرەو بەریتانیا کەوتەرێ بەئامانجی کۆبوونەوەی لەگەڵ بۆریس جۆنسن سەرۆکوەزیرانی بەریتانیا.
سەردانەکەی کازمی بۆ گەورە وڵاتانی ئەوروپا چەند ئەجێندایەک لەخۆی دەگرێت، کە گرنگترینیان لابردنی ناوی عێراقە وەک وڵاتێکی مەترسیدار لە ناو لیستی وڵاتانی ئەوروپادا.
هەروەها هاوکاری کردنی عێراق لە رووی سەربازی و ئابووری و رووبەڕووبوونەوەی کۆرۆنا و داعش.
هاوکات هەوڵ دەدات پردی پەیوەندییەکانی نێوان عێراق و وڵاتانی ئەوروپا بەهێزبکات لەرووی ئاڵوگۆڕی بازرگانی و ئەمنییەوە.
گەشتەکەی کازمی بۆ ئەوروپا لە ئێوارەی 18ی مانگدا دەستیپێکرد، یەکەم شوێن کە سەردانیکرد پاریس بوو، لەگەڵ ئیمانوێل ماکرۆن سەرۆکی فەرەنسا کۆبووەوە، ئەمڕۆش لە ئەڵمانیا لەگەڵ ئەنگێلا مێرکڵ راوێژکاری ئەڵمانیا کۆبووەوە.
