“ئەگەر محەمەد شێخ وەهاب وڵاتی جێهێشتووە بەڕێگەی نایاسایی بووە”
SNN-هەڵکەوت سەروەت
ئازاد محەمەدئەمین سەرۆکی ئەنجومەنی پارێزگای سلێمانی بە SNNی راگەیاند: محەمەد شێخ وەهاب ئەندامی ئەنجومەنی پارێزگای سلێمانی لە فراکسیۆنی گۆڕان لەلایەن دادگاوە فەرمانی دەستگیرکردنی هەیە و لەڕێگەی تۆڕی کۆمەڵایەتیەوە فەرمانەکەمان بۆ ناردووە.
سەرۆکی ئەنجومەنەکە دەربارەی هەواڵی جێهێشتنی وڵات لەلایەن ئەو ئەندامەی ئەنجومەن و ڕۆیشتنی بۆ تورکیا، بێ ئاگایی خۆی نیشاندا و وتیشی: گەر ئەو ئەندامە وڵاتی جێهێشتبێت ئەوا بەڕێگەی یاسایی نەبووە و پێشتر هەموو دەروازە سنوورییەکان ئاگادارکراونەتەوە لە ڕێگریکردن لە دەرچونی بۆ دەرەوەی وڵات و دەستگیرکردنی.
ناوبراو لەدرێژەی وتەکانیدا بۆ SNN دووپاتیکردەوە ڕاستی ئەو هەواڵە دەمانگەیەنێتە ئەو بڕیارەی بە ڕێکاری یاسایی پارێزبەندی لەسەر ئەو ئەندامە هەڵبگیرێت و دواتر مافی ئەندامێتی لە ئەنجومەنەکە لێوەربگیرێتەوە.
SNN نوسراوی دادگای دەستکەوتووە لەسەر فەرمانی دەستگیرکردنی ئەندامەکەی فراکسیۆنی گۆڕان لەلایەن دادگای قۆرەتووەوە.
