حەبیب ماڵئاوایی دەکات و رۆناڵدۆ پیرۆزبایی لێدەکات
حەبیب نورماگمیدۆڤ
SNN Sport
حەبیب نورماگومیدۆڤی روسی و پاڵەوانی هونەرە جەنگییە تێکەڵاوەکان ufc،بە فەرمی وازهێنانی راگەیاند،ئەمەش پاش بردنەوەکەی لە شەوی رابردوو لە جەستن گەیچی ئەمریکی.
حەبیب لێدوانێکیدا پاش سەرکەوتنەکە بەرامبەر بە گەیچی بە فەرمی وازهێنانی راگەیاند،ئەمەش بە پاساوی لە دەستدانی باوکی، کە راهێنەری بوو بە ناوی عەبدولمەناف کە بەهۆی کۆرۆناوە لە 3ی تەمموزی رابردوو کۆچی دوایی کرد.
حەبیب رایگەیاند” دەیەوێت کاتی زیاتر لە ئێستادا لەگەڵ دایک، بە سەر ببەم”.
لە کۆتایدا پاڵەوانە روسیەکە وتی:” دوو دڵبووم لەم شەڕە بەرامبەر بە گەیچی بەڵام خەونی باوکم بوو”.
دوای بردنەوەکەش کریستیانۆ رۆناڵدۆ پیرۆزبایی ئاڕاستەی ئەو پاڵەوانە کردووەو نوسیویەتی:” پیرۆزە براکەم، باوکت شانازیت پێوە دەکات”.
حەبیبی تەمەن 32 ساڵ لە جەولەی دووەمدا گەیچی بەرامبەری خۆی بە دەستەوە دا لە شاری ئەبوزەبی ئیماڕاتی پاش ئەوەی بە قاچ و دەستەکانی خۆی لە ملی تووند کردوو شەڕەکەی لێبردەوە.
ئەمە بردنەوەی 29ی پاڵەوانە روسیەکە بوو لە مێژوویدا بە بێ هیچ دۆڕانێک،هەرچی گەیچی تەمەن 31 ساڵە، ئەمە دووەمجاری بوو تووشی دۆڕان دەبێت دوای 22 بردنەوە.
A legacy like no other! Thank you @TeamKhabib #UFC254 pic.twitter.com/GGqpGjJluR
— UFC (@ufc) October 24, 2020
