فهڕهنسا: ئهردۆغان ههموو سنوورهكانى بهزاندووه
SNN
ئهمڕۆ ههینى وهزیرى ناوخۆى فهڕهنسا رایگهیاند: وڵاتهكهى شهڕى هیچ ئاینێك ناكات، دهشڵێت: “لێدوانهكانى ڕهجهب تهیب ئهردۆغان ههموو سنوورهكانیان بهزاندووه”.
جێراڵد دێرمنین، وهزیرى ناوخۆى فهڕهنسا پێشینوهڕۆى ئهمڕۆ وهڵامى لێدوانه تووندهكانى رهجهب تهیب ئهردۆغان سهرۆككۆمارى توركیاى دایهوه و رایگهیاند: “لێدوانهكانى ئهردۆغان ههموو سنوورهكانیان بهزاندووه بهرامبهر ئێمه”.
وتیشى: “قسه و ههڵوێستهكانى ئێمه به ههڵه لێكدراونهتهوه، راستییهكهى ئهوهیه ئێمه شهڕى هیچ ئاینێك ناكهین، بهڵكو شهڕى ئایدۆلۆژیاى تووندڕهو دهكهین”.
وهزیرى ناوخۆى فهڕهنسا ئهوهشى خستهڕوو: “پێشبینیش دهكهین هێرشهكان بۆ سهرمان و له ناوخۆى فهڕهنسا زیاتر ببن، ههر لهبهر ئهوهشه كه 14 تووندڕهوى بیانیمان دیپۆرتكردوونهتهوه، چونكه ماوهى سێ ههفتهیه كار لهسهر دیپۆرتكردنهوهى كهسانى تووندڕهو دهكهین، له پلانیشماندایه 18 كهسى تر دیپۆرت بكهینهوه”.
