لە سێ ساڵی داهاتوودا کەنەدا زیاتر لە ملیۆنێک کۆچبەر وەردەگرێت

SNN

مارکۆ مەندیسینۆ وەزیریی کۆچی کەنەدا لە کۆنفرانسێکی رۆژنامەوانیدا رایگەیاندووە، لە سێ ساڵی داهاتوودا وڵاتەکە ملیۆنێک و 200 هەزار کۆچبەر دەگرێتەخۆی.

ئەو وەزیرە رایگەیاندووە، وەرگرتنی کۆچبەرەکان هەوڵێکە بۆ بوژاندنەوەی ئابووری وڵاتەکە کە بەهۆی بڵاوبوونەوەی کۆرۆناوە زیانی بەرکەوتووە.

وتیشی: ساڵانە کەنەدا 50 هەزار کۆچبەر دەگرێتەخۆی بەڵام ئەمساڵ بەهۆی بڵاوبوونەوەی کۆرۆناوە پرۆسەی وەرگرتنی کۆچبەر بە سستی بەڕێوەچووە و پلانمان هەیە لە ساڵانی دواتردا قەرەبووی ئەوە بکەینەوە.

وەزیری کۆچی کەنەدا باسی لەوەشکرد، وڵاتەکە مافی نیشتەجێبوون دەداتە ئەو کرێکارە بیانیانەی کە بەشێوەیەکی کاتی لە کەنەدا مابوونەوە، لەگەل خوێندکارە بیانییەکان و بەشێکی زیاتر لە پەناخوازانی نیشتەجێی کەنەدا.

کەنەدا یەکێکە لەو وڵاتانەی کە زۆرترین کرێکارانی بیانی بۆ کارکردن روویتێدەکەن، زۆرینەی ئەو کۆچبەرانەش خەڵکی نایجریان.