ڤیدیۆ:ئیسپانیا ئەڵمانیا تووشی شکستێکی مێژوویی دەکات

SNN Sport

لە خولی نەتەوەکانی ئەوروپا، لە لیگی ئەی لە گروپی سێیەم، هەردوو هەڵبژاردەی ئیسپانیا و ئەڵمانیا لە یاریگای یانەی سڤییا رووبەڕووی یەکبوونەوە، لە ئەنجامدا لارۆخا توانی یاریەکە 6-0 بباتەوە و مەکینەکانی ئەڵمانیا تووشی شکستێكی مێژوویی بکات.

لە سەرەتای یاریەکەوە ئیسپانیا بە باشی بینرا، توانی لە گێمی یەکەم لە خولەکەکانی 17،33،38 بە سێ گۆڵی یاریزانان، مۆراتا و فیران تۆێس و رۆدری پێشکەوت، ئەم ئەنجامەش وای کرد، بۆ یەکەمجار لە مێژوویدا ئیسپانیا بە گێمێک سێ گۆڵ لە ئەڵمانیا بکات.

لە گێمی دووەم ئیسپانیا بەردەوامبوو لە ئاستە باشەکەی و توانی سێ گۆڵی تر لە خولەکەکانی 55 و 71و 89 لە لایەن فیران تۆرێس دوو گۆڵ و ئۆیارزابال بکات و یاریەکە 6-0 ببەنەوە.

بەم بردنەوە ئیسپانیا خاڵەکانی بووە 11 خاڵ و توانی بۆ قۆناغی پێش کۆتایی خولی نەتەوەکانی ئەوروپا سەربکەوێت.