لە هێرشێکی ئیسرائیلدا 3 سەربازی سوریی کوژران
هێزی ئاسمانی ئیسرائیل
SNN
سەرچاوەیەکی ئەمنی سوری رایگەیاند “لە هێرشێکی ئیسرائیلدا بۆ سەر شاری دیمەشقی پایتەختی سوریا 3 سەربازی سوریی کوژراون”.
سەرچاوەکە راشیگەیانووە “کاتژمێر 3ی بەرەبەیانی ئەمڕۆ لەڕێگەی چەند مووشەکێکەوە ناوچەی جۆلان-ی سوری بۆردوومانکراوە و سێ سەرباز کوژراون و سەربازێکی دیکە بریندار بووە”.
لای خۆیەوە ئەفیخای ئەدرعی، وتەبێژی سوپای ئیسرائیل لە پەڕەی تایبەتی خۆی رایگەیاند، هێزەکانیان بەرەبەیانی ئەمڕۆ ژمارەیەک پێگەی هێزەکانی فەیلەقی قودسی ئێران و سوپای سوریایان لە نزیک بەرزاییەکانی جولان کردووەتە ئامانج.
ئەوەشی نووسیوە “رژێمی سوریا بەرپرسیارە لە هەر هێرشێک لە ناو خاکی خۆیەوە بکرێتە سەر بەرژەوەندییەکانمان لە داهاتوودا و لە ئامادەباشیدا دەبین بۆ هەر ئەگەرێک”.
