مەیدانی ئاژەڵانی سلێمانی دەگوازرێتەوە

SNN

پارێزگاری سلێمانی و لایەنە پەیوەندیدارەکان لیژنەیەکیان پێکهێناوە بۆ ئامادەکاری بۆ گواستنەوەی مەیدانی ئاژەڵان.

ڕزگارحەمەد سەرۆکی لیژنەکە ئەمڕۆ یەکشەممە 29ی تشرینی دووەم بە SNNی راگەیاند: دەستدەکەین بە سەرژمێریکردنی ژمارەی ئەو کەسانەی لە مەیدانی ئاژەڵان کار دەکەن و دواتر ڕاپۆرت دەدرێتە قایمقام و پارێزگاری سلێمانی بۆ دیاریکردنی ئەو شوێنەی کە بۆی دەگوازرێتەوە.

شارەوانی سلێمانیش پێشتر ئامادەیی دەربڕیوە کە لە ماوەی یەک هەفتەدا کاری پاککردنەوەی مەیدانی ئاژەڵان تەواو دەکەن و چاوەڕوانی داواکارین پێشکەشمان بکرێت.

بەپێی زانیارییەکانی snn لە نزیک عەربەت شوێنێک بۆ مەیدانی ئاژەڵان دروستکراوە و تا ئێستا قایمقام و پارێزگاری سلێمانی ڕەزامەندیان دەرنەبڕیوە لەسەر گواستنەوەی بۆ ئەو شوێنە بەهۆی نزیکی لە شار و ئەگەری دووبارە گواستنەوەی لەچەند ساڵی داهاتوودا.