یانه‌ی هه‌ولێر گرێبه‌ستی دوو پیشه‌گه‌ری هه‌ڵوه‌شانده‌وه
ویلیام توالەی باشووری ئەفریقی و ساریۆسی یاریزانی ترینیداد و تۆباگۆ
SNNsport
ده‌سته‌ی كارگێڕی یانه‌ی هه‌ولێر بڕیاریدا به هه‌ڵوه‌شاندنه‌وه‌ی گرێبه‌ستی دوو له یاریزانه پیشه‌گه‌ره‌كانی، ئەمەش به بڕیاری ده‌سته‌ی هونه‌ری.
پێگەی یانەی هەولیر بڵاویانکردووەتەوە:” ده‌سته‌ی كارگێڕی یانه‌ی هه‌ولێر بڕیاریدا به هه‌ڵوه‌شاندنه‌وه‌ی گرێبه‌ستی هه‌ردوو پیشه‌گه‌ر ( ویلیام توالەی باشووری ئەفریقی و ساریۆسی یاریزانی ترینیداد و تۆباگۆ) و ته‌واونه‌كردنی كاروانه‌كه‌یان له‌گه‌ڵ تیپه‌كه”.
روونیكرده‌وه:” بڕیاره‌كه له سه‌ر راسپارده و بڕیارێکی هونه‌ری له راهێنه‌ر( رادان گاسانین بووە ، كه به یانه‌كه‌ی راگه‌یاندبوو پێویستی به هه‌ردوو یاریزان نیه ، چونكه گونجاو نین بۆ شێوازی یاریکردنی تیپه‌كه”.
ویلیام لە کۆی (8) یاری بەشدار چەند یارییەکەی یانەی ھەولێر لە خولی عێراق کرد و ھەوەھا ساریوس تەنیا لە یارییە دۆستانەکان بەشداریکرد.
وا بریارە تا کردنەوەی دەرگای گواستنەوەی زستانەی یاریزانان یانەی ھەولێر تەنیا بەھەردوو پیشەگەری بەرازیلی ئێرتۆن و محەمەد نێزاڵی تونسی یاری بکات.
جێی باسه كه هه‌ردوو یاریزان له ماوه‌ی گواستنه‌وه‌ی هاوینه‌ی یاریزانان په‌یوه‌ندییان به یانه‌ی هه‌ولێره‌وه كردووه.
