کۆرۆنا ئاستی جەماوەریی ترەمپی تووشی داڕووخان کردووە

SNN-

بەهۆی حاڵەتە بەردەوامەکانی مردنەوە لە ئەمریکا، ئاستی جەماوەریی دۆناڵد ترەمپ سەرۆکی ئەمریکا هاتۆتە خوار و 8 نمرە کەوتۆتە دوای جۆ بایدن-ی تاکە رکابەری بۆ هەڵبژاردنەکان.

لەنوێترین راپرسیدا بۆ هاوڵاتیانی ئەمریکا لەبارەی مامەڵەی ترەمپ لەگەڵ کۆرۆنا، 56٪ی ئەو وڵاتە گلەییان هەیە و لەگەڵ سەرۆک نین”.

رێژەی سەدی ئەوانەشی مافی دەنگدانیان هەیە 46٪یان پشتیوانی جۆ بایدن دەکەن لە هەڵبژاردنەکەی مانگی نۆڤەمبەردا و 38٪ی خەڵک دەنگ بە ترەمپ دەدەن لەکاتێکدا هەفتەی پێشوو بایدن تەنها 2 نمرە لەپێش ترەمپەوە بووە و لەو ماوەیەدا ئەو ژمارەیە بووە بە 8.

ماوەیەکە هاوڵاتیانی ئەمریکا پەشیمان بوونەتەوە لەپشتیوانیکردنی ترەمپ و خەریکە متمانەیان پێی نامێنێ لەبارەی ڤایرۆسی کۆرۆناوە.