سەرۆکی ئەمریکا و راوێژکاری ئەڵمانیا باسی ئێران و ئەفغانستان دەکەن

SNN

لە یەکەم پەیوەندی تەلەفۆنیدا جۆ بایدن سەرۆکی ئەمریکا و ئەنگێلا مێرکل راوێژکاری ئەڵمانیا دۆسیەکانی ئەفغانستان و ئێران و گۆڕانکاری کەشوهەوایان تاوتوێکرد.

لە بەیاننامەیەکدا نووسینگەی رۆژنامەوانیی راوێژکاری ئەڵمانیا رایگەیاندووە “هەردوو سەرۆک باسی پرسەکانی سیاسەتی دەرەوەیان کردووە، بەتایبەت ئافغانستان و ئێران، سەرەڕای بوارەکانی دیکەی وەک بازرگانی و کەشوهەوا”.

هەردوولا تاوتوێی ئەوەشیان کردووە کە چۆن جیهان بتوانێت بەسەر کۆرۆنادا سەربکەوێت و هەوڵەکان بە ئاڕاستەیەکدا بن کە هەماهەنگیی نێودەوڵەتی چڕتر بکرێنەوە.

بەپێی بەیاننامەکەی نووسینگەی رۆژنامەوانیی مێرکل، راوێژکاری ئەڵمانیا داوای لە سەرۆکی ئەمریکا کردووە سەردانی ئەڵمانیا بکات.