پەیامی بافڵ تاڵەبانی بۆ رۆژی جیهانیی ژنان

SNN

هاوسەرۆکی یەکێتیی نیشتمانیی کوردستان رایدەگەیەنێت “بەرز ڕاگرتنی ڕۆژی جیهانیی ژنان، ڕێزگرتنە لە خەبات و تێكۆشانی هەموو ئەو ژنە ماندوونەناسانەی دژی زوڵم و ستەم وەستانەوە”.

بافڵ تاڵەبانی ئەم ڕۆژە لە سەرجەم ئەو دایكانەش پیرۆز دەكات كە ڕۆڵەكانیان كردە قوربانی لەپێناو نیشتمان.

دەشڵێت: “ڕێزگرتنە لە هەوڵی بەردەوام و بێوچانی ئەو ژنانەی هاوشانی پیاوان خەبات دەكەن لەپێناو ژیانێكی باشتر و ئارامتر”.

بافڵ تاڵەبانی لە یادی 8ی مارس رۆژی جیهانیی ژناندا پەیامێکی بڵاوکردووەتەوە و تیایدا نووسیوێتی: “مێژووی ئێمە پڕە لەو ژنە ئازا و تێكۆشەرانەی قوربانی گەورەیان داوە لەپێناو خاكی كوردستان”.

ئەم ڕۆژەش لە سەرجەم ئەو دایكانە پیرۆز دەكات كە ڕۆڵەكانیان كردە قوربانی لەپێناو نیشتمان.

هاوسەرۆکی یەکێتی لە درێژەی پەیامەکەیدا نووسیوێتی: “پیرۆزبایی لە هەموو ئەو ژنانە دەكەم كە هەوڵی بێسنووریان داوە بۆ چەسپاندنی یەكسانیی جێندەریی و دادپەروەری كۆمەڵایەتی.”

ئەوەشی خستووەتەڕوو “دەمەوێت لێرەوە بە هەموو ژنانی كوردستان ڕابگەیەنم كە ، بە هەموو توانایەكمەوە پاڵشتی هەوڵەكانتان دەكەم لەپێناو داهاتوویەكی گەشتر و كوردستانێكی خۆشگوزەرانتر بۆ هەمووان”.