وەزارەتی خوێندنی باڵا ژمارەیەک خوێندکار دەخاتە لیستی ڕەشەوە
لۆگۆی وەزارەتی خوێندنی باڵا
SNN
بههۆی ساختهكردنی بڕوانامهی توانستی ئینگلیزی، ژمارهیهك خوێندکاری خوێندنی باڵا دهخرێنه لیستی ڕهشهوه و مافی خوێندنیان لە هەموو زانكۆكانی كوردستان لێوهردهگیرێتهوه.
وەزارەتی خوێندنی باڵا و توێژینەوەی زانستی هەرێمی کوردستان، بەهۆکاری ئەوەی بڕوانامەی توانستی زمانی ئینگلیزیان ساختە کردووە، بڕیاریداوە 24 خوێندکار خوێندنی باڵا لە ماستەرو دكتۆرا بخاتە لیستی رەشەوە و مافی خوێندیان لێوەربگرێتەوە.
بەگوێرەی بڕیارێکی وەزارەتی خوێندنی باڵا و توێژینەوەی زانستی هەرێمی کوردستان، كه مێژووەی بڕیارەکە بۆ ساڵی 2019 دەگەڕێتەوە باس لەوەکراوە، بۆ ساڵی خوێندنی “2016- 2017” لە زانكۆی سەلاحەدین لە هەولێر، 24 خوێندکار خوێندنی باڵا لە ماستەرو دكتۆرا، بڕوانامەی توانستی زمانی ئینگلیزییان ساختە كردووە، بەو هۆکارەش خراونەتە لیستی رەشەوەو مافی خوێندنیان لە هەموو زانكۆكانی هەرێمی كوردستان لێوەرگیراوەتەوە.
پێشتر لەسەر خوێندنی پەرلەمانتارانی عێراق و کوردستان و پلە تایبەتەکانی حکومەتی هەرێم، ئەنجومەنی شورا روونکردنەوەی داوە، کە ئەو کەسانە لەوكاتەی لە پۆستەكانیاندان، بۆیان نییە داواکاری پێشكەشی خوێندنی باڵا بكەن، بەو پێیەی لەیەك كاتدا کۆکردنەوەی هەردوو کارەکە بەیەکەوە ناکرێت.
شایهنی باسه، لەو ژمارە خوێندکار بەشێکیان کەسانی سیاسی و بەرپرس و، تەنانەت پەرلەمانتاری هەرێمی کوردستانی تێدایە، ئەوەش لە کاتێکدایە وەزارەتی خوێندنی باڵای هەرێم بۆ ساڵی “2020-2021” ئاسانکاری کرد، کە خوێندنی باڵا پاش تەواوکردنی کۆرسی خوێندنیش توانستی زمان پێش بخەن ڕێگەپێدراوە و پێش پێدانی بڕوانامە.
