بەرپرسێکی هەواڵگری عێراق لە هەوڵی کوشتن رزگاریبوو

SNN

ئەمڕۆ جێگری بەڕێوەبەری هەواڵگریی سەربازی لە وەزارەتی بەرگری عێراق له ‌هه‌وڵێكى کوشتن له ‌باشوورى به‌غدا رزگارى بووە.

ئاژانسی فەرمی هەواڵی عێراق بڵاویکردەوە، عه‌مید روكن زه‌ید مه‌کسوسى جێگری بەڕێوەبەری هەواڵگریی سەربازی لە وەزارەتی بەرگری له ‌هه‌وڵێكى “تیرۆركردن” له ‌باشوورى به‌غدا رزگارى بووە لەکاتێکدا لەرێگادابووە بگەڕێتەوە بۆ واست.

بەرپرسانی ئەمنی رایانگەیاندووە کە سێ کەس لەسەر هەوڵی کوشتنی ئەو بەرپرسەی هەواڵگری عێراق دەستگیرکراون.

لەماوەی كەمتر لە شەش مانگدا زیاتر لە 16 هەوڵی تێرۆر كردن هەبووە 7 ئەفسەری باڵای هەواڵگری بوونەتە قوربانی بەشێك لە هەوڵەكان بێ ئەنجام بوون.

لە مانگی رابردووشدا، هەوڵی کوشتنی سەمیر مالیکی سەرۆکی دەستەی فڕۆکەوانی سوپای عێراق درا، بەڵام رێگری لەو هەوڵە کرا و ناوبراو رزگارکرا.