منداڵێک لە کونەماسی خنکا

SNN

پاشنیوەڕۆی ئەمڕۆ منداڵێک کە لەگەڵ خێزانەکەی بۆ گەشت چوونەتە سەیرانگەی کونەماسی، لەکاتی مەلەکردن لە گۆماوی قازان خنکاوە کە تەمەنی 12 ساڵانە.

سامان نادر بەڕێوەبەری سەنتەری فریاکەوتنی خێرای سلێمانی بە SNNی راگەیاند “ئاگادار کراینەوە کە حاڵەتێکی خنکان هەیە لە گوندی کونەماسی کە منداڵێکی 12 ساڵانە و لەگەڵ خێزانەکەی پاشئەوەی ئەمڕۆ هەینی چوونەتە گەشت و سەیران، چووەتە ناو ئاو و لەوکاتدا خنکاوە و تاکو ئێستا تەرمەکەی نەدۆزراوەتەوە”.

وتیشی: “تیمی غەواس و پۆلیس لەلایەن ئیدارەی قایمقامیەتی شارباژێڕەوە نێردراوەتە شوێنی رووداوەکە بۆ دۆزینەوەی تەرمی ئەو منداڵە”.