لە هێرشێکی داعشدا لە دیالە، 4 چەکداری حەشدی شەعبی کوژران
حەشدی شەعبی
راگەیاندنی حەشدی شەعبی بڵاویکردەوە، لە هێرشێکی چەکدارانی داعش لە باکووری دیالە چوار چەکداریان کوژراون و شەش چەکداری دیکەیشیان بریندارن.
حەشدی شەعبی لە پێگەی خۆی لە توویتەر نووسیویەتی، “کوژران و برینداربوونی ئەو ئەندامانەیان لە کاتی بەرپەرچدانەوەی هێرشێکی تیرۆریستی” بووە. هاوکات هێرشەکە لە گوندی ئەلمیتەی ناحیەی عوزێم روویداوە.
