چەند هۆکارێک خرایە پاڵ ئاگرەکەی نەخۆشخانەی ئیبن خەتیب لە بەغدا

SNN

ئەمڕۆ دووشەممە لیژنەی تەندروستیی پەرلەمانی عێراق لە راگەیەندراوێکدا ڕاپۆرتی خۆی لە بارەی رووداوی ئاگرکەوتنەوەی نەخۆشخانەی ئیب خەتیب ئاشکرایکرد کە تێیدا دەڵێت “کەمتەرخەمی و خراپ بەڕێوەبەردنی نەخۆشخانەکە هۆکاری سەرەکی ڕووداوەکە بوون”.

لە راگەیەندراوەکەدا روونیشی دەکاتەوە باڵەخانەی نەخۆشخانەکە کۆنە و بەهیچ شێوەیەک لەماوەی ساڵانی ڕابردوودا نۆژەن نەکراوەتەوە، بۆیە سیستمی ئاگرکوژێنەوە و سیستمی هەستیاری بۆ ئاگادارکردنەوە لەبوونی ئاگری تێیدایە نییە و بەهیچ شێوەیەکیش لە ماوەی ڕابردوودا بەدواداچوونی بۆنەکراوە لەلایەن بەڕێوەبەرایەتی بەرگریی شارستانییەوە، هەروەها کەمتەرخەمییەکی ڕوون و ئاشکرا لەلایەن ئیدارەی نەخۆشخانەکە و پاسەوانانی نەخۆشخانەکەوە کراوە، بەجۆرێک ڕێگەیانداوە ژمارەیەک زۆر زیاتر لەئاستی خۆی کەسوکاری نەخۆشەکان سەردانی نەخۆشخانەکە بکەن و لەناو قاوش و ڕێرەوەکاندا بمێننەوە، کە ئەوەش وایکردووە ژمارەی قوربانییەکان زیاتربکات.

ئاماژە بەوەشکراوە “کارگێری نەخۆشخانە ڕێگەیان داوە یاوەری نەخۆشەکان ئاگر لە نزیک بوتڵی ئۆکسجینەکان هەڵبکەن بەمەبەستی چێشتلێنان کە ئەوەش وایکردووە یەکێک لەبوتڵی ئۆکسجینەکان بتەقێتەوە، حکومەت لە ماوەی ساڵانی ڕابردوودا هیچ بڕە بودجەیەکی بۆ نەخۆشخانەکە تەرخان نەکردووە و هیچ پلەیەکی وەزیفیشی بۆ تەرخاننەکردووە بەتاییەتی دامەزراندنی کارگوزارو یارمەتیدەری نەخۆش”

بەپیی داواین ئاماژ پاش ئاگرەکەی نەخۆشخانەی بین خەتیب 90 گیانیان لەدەستداوە و 120 کەسیش برینداربوون