هاوسەرۆکانی یەکێتی پێشوازی لە سەرۆککۆماری عێراق دەکەن
SNN
ئەمڕۆ دووشەممە، بافڵ تاڵەبانی و لاهور شێخ جەنگی هاوسەرۆکانی یەکێتیی نیشتمانیی کوردستان پێشوازیان لە دکتۆر بەرهەم ساڵح سەرۆککۆماری عێراق کردوو لە کۆبوونەوەکەدا دواین پێشهاتوو گۆڕانکارییە سیاسییەکانی عێراق و هەرێمی کوردستان تاوتوێ کران.
هەر لە کۆبوونەوەکەدا هاوسەرۆکانی یەکێتی ئاماژەیان بە گرنگی رۆڵی دکتۆر بەرهەم کرد، لەسەر یەکخستنی ڕیزەکان و پەرەپێدانی پڕۆسەی سیاسی بە پشتبەستن بە دەستوور كە بەشداری ڕاستەقینە و نوێنەرایەتی هەموو پێكهاتەكان لەخۆ بگرێت، هەروەها ڕۆلێ سەرۆککۆماریان باسکرد لە ئەنجامدانی هەڵبژاردنی پێشوەختەی ئەنجوومەنی نوێنەران کە هەڵبژاردنی داهاتوو هەنگاوێکی گرنگە بە ئاڕاستەی گۆڕانکاریی بنەڕەتی و دانانی بناغەیەکی بەهێز بۆ داهاتووی عێراق و هەرێمی کوردستان.
هاوسەرۆکانی یەکێتی لە کۆبوونەوەکەیاندا لەگەڵ دکتۆر بەرهەم ساڵح ئاماژەمان بە گرنگی ڕۆڵی نیشتیمانیی سەرۆككۆمار کرد بۆ كاركردن بۆ ئەو ڕۆڵەی کە تیادایە، لەو ڕووەشەوە جەختیان لەسەر ڕەخساندنی زەمینەیەکی گونجاو کردەوە بۆ ئەنجامدانی هەڵبژاردنێكی پاك و بێگەرد کە جێگەی ڕەزامەندی هەمووان بێت، باسیان لە بەستنی هاوپەیمانیی نێوان یەکێتیی نیشتیمانیی کوردستان و بزووتنەوەی گۆڕان کرد بۆ بەشداریکردن لە هەڵبژاردنەکانی داهاتوو، بە هەنگاوێکی گرنگیان لە قەڵەمدا بۆ یەکڕیزیی ناوماڵی کورد و بەدەستهێنانی تەواوی مافەکانی گەلی کورد لە بەغدا.
