لە گەرميان پێدانی ژەمی یەکەمی ڤاکسینی کۆرۆنا رادەگيرێت
SNN
بەڕێوبەرايەتی گشتی تەندروستی گەرميان رايگەياند: “پێدانی ژەمی يەکەمی ڤاکسينی کۆرۆنا بە هاووڵاتيان رادەگرين بەهۆی ئەوەی ئەو بڕە ڤاکسينەی لەبەردەستياندايە تەنها بەشی ژەمی دووەمی ئەو کەسانە دەکات کە پێشتر ژەمی يەکەميان وەرگرتووە”.
بەڕێوبەرايەتی گشتی تەندروستی گەرميان لە راگەيەندراوێکدا بڵاويکردەوە: “بنکەی کوتانی کۆرۆنا لە کەلار ئاگاداری هاووڵاتیانی شاری كەلار دەكاتەوە كە لە ئێستادا ناتوانێت ژەمی یەكەمی ڤاكسینی كۆرۆنا بۆ كەس بەكار بهێنێت، لەبەر ئەوەی ئەو بڕە ڤاكسینەی كە لە بەردەستە تەنها بەشی ژەمی دووەمی ئەو هاووڵاتیانە دەكات كە پێشتر ژەمی یەكەمیان بۆ کراوە”.
راشيگەياند: “لەکاتی بەردەست بون و گەیشتنی ڤاکسینی نوێ، ئاگاداری ھاووڵاتیان دەکەینەوە”.
