فەلەستين رێککەوتنی ئاڵوگۆڕی ڤاکسينی لەگەڵ ئيسرائيل هەڵوەشاندەوە
SNN
وەزيری تەندروستی فەڵەستين رايگەياند: “سەرۆکوەزيرانی ئەو وڵاتە فەرمانيکردووە رێککەوتنی ئاڵوگۆڕی ڤاکسين لەگەڵ ئيسرائيل هەڵبووەشێننەوە به‌هۆی ئه‌وه‌ی ئه‌و ڤاكسینانه‌ی له ئیسرائیله‌وه بۆی دێت واده‌ی به‌سه‌رچوونی نزیكه”.
مه‌ی كه‌یله وه‌زیری ته‌ندروستی فه‌ڵه‌ستین ئاشكرایكرد: “محه‌مه‌د ئشتییه سه‌رۆكوه‌زیرانی فه‌ڵه‌ستین، ، فه‌رمانی كردووه رێككه‌وتننامه‌ی ئاڵوگۆڕی ڤاكسین له‌گه‌ڵ ئیسرائیلدا هه‌ڵبوه‌شێنرێته‌وه، به‌هۆی ئه‌وه‌ی ئه‌و ڤاكسینانه‌ی کە ئیسرائیل له چوارچێوه‌ی ئاڵوگۆڕدا پێیداون واده‌ی به‌سه‌رچوونیان نزیكه”.
به‌یانی رۆژی هەینی، ئیسرائیل و فه‌ڵه‌ستین رێككه‌وتبوون له‌سه‌ر ئاڵوگۆڕكردنی زیاتر له یه‌ك ملیۆن دۆز ڤاكسینی فایزه‌ر-بایۆنتێك.
به‌پێی رێككه‌وتنه‌كه ئیسرائیل یه‌ك ملیۆن تا یه‌ك ملیۆن و 400 هه‌زار دۆز ڤاكسینی فایزه‌ر/بایۆنتێكی ده‌دایه حكوومه‌تی فه‌ڵه‌ستین، له‌به‌رامبه‌ردا فه‌ڵه‌ستین ئه‌و بڕه له ڤاكسینی فایزه‌ر/بایۆنتێك كه له مانگه‌كانی ئه‌یلوول و تشرینی یه‌كه‌مدا به‌ده‌ستی ده‌گات، راده‌ستی ئیسرائیل ده‌كرد.
له‌و چوارچێوه‌یه‌دا ئه‌مڕۆ ئیسرائیل 100 هه‌زار دۆز ڤاكسینی راده‌ستی وه‌زاره‌تی ته‌ندروستیی فه‌ڵه‌ستین كردبوو.
