پارتەکەی نيکۆل پاشينيان براوەی هەڵبژاردنی ئەرمينيا بوو

SNN

 کۆمسيۆنی هەڵبژاردنەکانی ئەرمينيا رايگەياند: “لە کۆی ئەو دەنگانەی تا ئێس جياکراونەتەوە پارتەکەی نيکۆل پاشينيان سەرۆکوەزيرانی ئەو وڵاتە بە بەدەستهێنانی زۆرينەی دەنگەکان براوەی هەڵبژاردنی پەرلەمانی ئەمرمينيا بووە”.

ئەمڕۆ دووشەممە کۆمیسیۆنی هەڵبژاردنەکانی ئەرمینیا بڵاويکردەوە: “لەکۆی %30ی ئەو دەنگانەی جياکراوەتەوە، پارتی گرێبەستی مەدەنی کە پێشتریش خاوەنی زۆرینەی پەرلەمان بوو، لە %53.9ی دەنگەکانی بەدەستهێنا لە بەرامبەر هاوپەیمانێتی ئەرمینیا بە سەرۆکایەتیی رۆبەرت کۆچەرییان کە لە %21ی دەنگەکانی بەدەستهێناوە”.

پێش راگەياندنی ئەنجامەکان لەلايەن کۆمسيۆنەوە، نيکۆل پاشينيان رايگەياند: “تا ئیستا هەموو دەنگەکان جيانەکراوەتەوە، بەڵام ئێمە زۆرينەی دەنگەکانمان بەدەستهێناوە”.