“تورکیا پلانی هەیە 20 هەزار سەرباز لە هەرێم جێگیربکات”

SNN

ئەندامێکی لیژنەی ئاسایشی عێراق رایگەیاند: “بەگوێرەی دوایین راپۆرتمان تورکیا 70 بنکەی سەربازی و خاڵی چاودێری لە هەرێم هەیە و پلانیشی هەیە دەیان هەزار سەرباز لەو بنکانە جێگیربکات.

بەدر زیادی ئەندامی لیژنەی ئاسایش و بەرگری لە پەرلەمانی عێراق لە لێدوانێکی رۆژنامەوانیدا وتوویەتی: تورکیا پلانی هەیە لە بنکە و خاڵە چاودێرییەکانی لە سنووری هەرێمی کوردستان 20 هەزار سەرباز جێگیربکات.

دەشڵێت: رێگری کردن لە لەشکرکێشی و هێرشی تورکیا کارێکی ئاسان نییە و پێویستە حکومەتی عێراقی هەڵوێستی جدی هەبێت.

ئەم لێدوانە لەکاتێکدایە دوێنێ ئەندامێکی لیژنەکە کە نەیویست ناوی بڵاوبکرێتەوە بە SNNی راگەیاند، پێشنیارێكیان ئاراستەی حكومەتی عێراق كردووە كە وەزارەتی بەرگری هێزی فیداراڵی ڕەوانەی سنورەكان بكات بۆ ڕێگریكردن لە فراوانبوونی هێرشەكانی توركیا.