رۆژی سێشەممە پەرلەمانی کوردستان کۆدەبێتەوە

SNN

بەپێى بانگێشتێک کە لەلایەن سەرۆکى پەرلەمانەوە ئاراستەى پەرلەمانتارانکراوە، بڕیارە رۆژى سێشەممە پەرلەمانى کوردستان کۆببێتەوە.

لە نوسراوێکدا کە واژۆى رێواز فایەق سەرۆکى پەرلەمانى کوردستانى لەسەرە، هاتووە: پشتبه‌ستن به‌حوكمی بڕگه‌ی (سێیه‌م) له‌مادده‌ی (18)ی په‌یڕه‌وی ناوخۆی په‌رله‌مانی كوردستان-عێراق، بڕیارماندا بانگهێشتی گشت ئه‌ندامه‌ به‌ڕێزه‌كانی په‌رله‌مان بكه‌ین بۆ دانیشتنی ژماره‌ (16)ی ئاسایی خولی بەهارەی ساڵی سێیەم له‌خولی هه‌ڵبژاردنی پێنجه‌می په‌رله‌مانی كوردستان-عێراق، له‌كاتژمێر (11)ی پێشنیوه‌ڕۆی ڕۆژی سێشه‌ممه‌ رێكه‌وتی (2021/7/4)، تكایه‌ له‌كاتی دیاریكراودا ئاماده‌بن.

هەرچەندە لە نوسراوەکەدا کات و رۆژى کۆبونەوەکە دیاریکراوە، بەڵام لەبارەى تەوەرى کۆبونەوەکە هیچ شتێک نەخراوەتەڕوو.