موقتەدا سەدر: مژدەتان دەدەمێ بەمنزیکانە دەمرم یان دەکوژرێم

SNN

موقتەدا سەدر سەرۆکی رەوتی سەدر لە لێدوانێکی نامۆیدا باس لەوەدەکات کە دەمرێت یان دەکوژرێت و ئەوەش کاریگەری لەسەر رەوتە سیاسییەکەی دەبێت.

سەدر لە وتارێکیدا کە لەبەردەم سەرکردەی رەوتەکەی دەیدات، رایدەگەیەنێت: “وا دەردەکەوێت، شتێک رەوتی سەدر چالاکدەکاتەوە، کێ لە ئێوە دەزانێت؟ دڵنیام کەستان نازانن، ئەویش مردنی منە یان کوژرانمە”.

سەدر دەڵێت: “ئینشەڵا هەواڵی مردنم یان کوژرانم نزیکە و مژدەتان دەدەمێ لە نزیکبوونەوەی کاتەکەی کە شەهید دەبم ئەگەر خودا بیکات”.

رەوتی سەدر خاوەنی شوێنکەوتوویەکی زۆرە لەنێو شیعەکانی عێراقدا و باڵێکی سەربازی لەناو حەشدی شەعبیدا هەیە، بە یەکێک لە هێزە کاریگەرەکانی عێراق هەژماردەکرێت بەوەی لە رابردوودا توانیویەتی خۆپیشاندانی ملیۆنی دژ بە گەندەڵی رێکبخات.