دەوڵەتی یاسا: ئەگەر هەڵبژاردن دوابکەوێت گرفتی دەستووریمان بۆ دروستدەبێت

SNN

نوری مالیکی سەرۆکی هاوپەیمانی دەوڵەتی یاسا ئەمڕۆ بە فەرمی بانگەشەی هەڵبژاردنی دەستپێکرد و داوای لە حکومەتی عێراقکرد ژینگەیەکی گونجاو بۆ ئەنجامدانی هەڵبژاردنەکە بڕەخسێنێت.

مالیکی رایگەیاند وەکو یەکەم لایەنی سیاسی دەست بە بانگەشەی هەڵبژاردن دەکات چونکە هاوپەیمانێتیەکە بڕوای وایە کە پێویستە هەڵبژاردن لە کاتی دیاریکراوی خۆیدا بەڕێوەبچێت و دژی دواخستنیەتی.

ئاماژەی بەوەشکرد کە ئەگەر هەڵبژاردن دوابکەوێت ئەوا گرفتی دەستووری دێتەپێشەوە و داوای لە حکومەتی عێراق کرد کە ژینگەیەکی گونجاو دروستبکات تا هەڵبژاردنەکە بەشێوەیەکی دادپەروەری و ئازادانە و دوور لە ساختەکاری و گێرەشێوێنی بەڕێوەبچێت و ژماردنی دەنگەکانیش بە دەستی و ئەلیکترۆنی بێت.