روسیا: رەنگە ئەمریکا لەناکاو کوردانی سوریا جێبهێڵێت
SNN
بەرپرسێكی رووسیا رایگەیاند: پاشەكشەی ئەمریكا لە خاكی ئەفغانستان پەیامێکە بۆ کوردانی سوریا کە لەناکاو پێدەچێت ئەوانیش جێبهێڵێت.
ئەلێكساندەر لاڤرەنتیڤ نێردەی سەرۆكی رووسیا بۆ سوریا بە میدیای وڵاتەکەی راگەیاند: لەئێستادا كوردەكانی سوریا هەماهەنگی تەواویان لەگەڵ ئەمریكا هەیە، جێهێشتنی خاكی ئەفغانستان لەلایەن هێزەکانی ئەمریکاوە رەنگە پەیامێک بێت بۆ كوردەكان کە دەکرێت ئەوانیش لەناکاو جێبهێڵێت.
نێردەكەی سەرۆكی رووسیا بۆ سوریا پێشی وابوو بۆ كوردەكان واباشترە كە لەگەڵ حكومەتی دیمەشق ڕێكبكەون.
ئەمریکا هاوپەیمانێتیەکی بەهێزی لەگەڵ هێزە کوردیەکانی رۆژئاوای کوردستان هەیە و لە سەرەتای شەڕی داعشەوە بە مەشق و راهێنان و پێدانی چەک و تەقەمەنی هاوکاری کردوون.
