ئيمارات باڵيۆزخانەی لە ئيسرائيل کردەوە
SNN
ئیمارات بە ئامادەبوونی سەرۆکی ئیسڕائیل لە مەراسیمێکی فەرمیدا باڵیۆزخانەکەی لە ئیسڕائیل کردەوە.
سەر لە بەيانی ئەمڕۆ، باڵیۆزخانەکەی ئیماڕات لەناو بینای بۆرسەی تەل ئەڤیڤدا و بە ئامادەبوونی سەرۆکی ئيسرائيل کرايەوە، ئەمەش دوای ئەوە هات مانگی رابردوو ئیسڕائیل باڵیۆزخانەکەی لە ئیماڕات کردەوە.
محەمەد ئال خاجە باڵیۆزی ئیماڕات لە ئیسڕائیل لە پاڵ ئیسحاق هێرزۆگدا سەرۆکی ئیسڕائیل ئاڵای وڵاتەکەی لە دەرەوەی بینای بۆرسەکە هەڵکرد.
ساڵی رابردوو ئیماڕات و بەحرەین بە سەرپەرشتی ئەمەریکا پەیوەندییەکانیان لەگەڵ ئیسڕائیلدا ئاساییکردەوە، دواتر هەریەک لە سودان و مەغریبیش پەیوەندییەکانیان لەگەڵ ئیسڕائیلدا دامەزراند.
