چەکدارانی “اليوم الموعود” نمایشی سەربازیی فراوانیان ئەنجامدا
SNN
سەرچاوەیەکی ئەمنی درەنگانی شەوی رابردوو بە میدیا عێراقییەکانی راگەیاند، کە شەوی رابردوو چەکدارانی “اليوم الموعود” سەر بە هێزی سەریا سەلام-ی سەر بە رەوتی سەدر نمایشێکی سەربازی لە نەجەف ئەنجام دەدەن وەک ئامادەییەکی ئەو هێزە لە رۆژانی جەژنی قورباندا بۆ پێشوازی میوانان لە نەجەف.
سەرچاوەکە ئاماژەی بەوەشکرد: نمایشە سەربازییەکە چەند کاتژمێرێک بەردەوام بووە و چەند شەقامێکی سەرەکی لە ناوەراستی شاری کوفەیان گرتووە، چەکدارانی “اليوم الموعود” لەکاتی ئێستادا لە هەموو شوێنێکی پارێزگاکە بڵاوبوونەتەوە.
چەکدارانی “اليوم الموعود” موقتەدا سەدر سەرۆکی رەوتی سەدر لە ساڵی 2008دا بۆ فەتوایەکی تایبەتی خۆی دەریکرد بۆ بە گژداچوونەوەی سوپای هاوپەیمانان و لە کاتی ئێستادا بەهۆی گەورەی ئەم گروپەوە بە لیوای “اليوم الموعود” ناسراون.
