وەزيری بەرگری ئەمريکا: دەمانەوێت پەیوەندییەکی جێگیرمان لەگەڵ چیندا هەبێت

SNN

وەزیری بەرگری ئەمەریکا رايگەياند: “ئەمەریکا پەیوەندییەکی جێگیریی لەگەڵ چیندا دەوێت، لەکاتێکدا کاردەکات بۆ چارەسەرکردنی کێشە دیارەکانی لەگەڵ ئەو وڵاتە”.

لوید ئۆستن وەزیری بەرگری ئەمەریکا لە وتارێکدا لە سەنگاپوور ئاماژەی بەوەکرد: ” دەستەوەستان نابین کاتێک بەرژەوەندییەکانمان لەگەڵ چين دەکەونە ژێر هەڕەشەوە، بەڵام ڕووبەڕووبوونەوەمان ناوێت، وەکو وەزیر پابەندم بە گەڕان بەدوای پەیوەندییەکی بونیادنەرانە و جێگیر لەگەڵ چیندا.”

جێی ئاماژەیە ئۆستن یەکەمین بەرپرسی باڵای بەڕێوبەرایەتیەکەی بایدنە سەردانی ئەو ناوچەیە بکات، لە دوای دەستبەکاربوونیەوە وەکو وەزیری بەرگری ئەمەریکا، تاوەکو ئێستا ئۆستن قسەی لەگەڵ هیچ بەرپرسێکی چینیدا نەکردووە، ئەمەش سەرەڕای هەوڵدانێکی زۆر لەسەر ئەو بابەتە.

هەردوو وەزيری بەرگری ئەمريکا و سەنگاپوورە لەو وڵاتە کۆبوونەوە و لە بەیاننامەيەکدا ئاماژەيان بەوەکرد: “باسیان لە کۆمەڵێک بوار کردووە کە دەکرێت هاریکارییەکان تیایاندا زیاتر بکرێن، لەوانەش ئاسایشی ئەلیکترۆنی و یارمەتییە مرۆییەکان و قەرەبووکردنەوەی کارەساتە سروشتیەکان”.

لەم ساڵانەی دواییدا پەیوەندییەکانی نێوان چین و ئەمەریکا گرژییان تێکەوت، ئەوەش بەهۆی بابەتەکانی وەکو سەربەخۆیی تایوان و ڕەفتارەکانی چین لە دەریای باشووری چیندا.