حکومەت عێراق سەرجەم گەشتەکانی لەگەڵ وڵاتی بێلاروسیا هەڵپەسارد

SNN

بەگوێرەی ئەو راگەیەندراوەی کە دەسەڵاتی فڕۆکەوانی مەدەنیی عێراق رۆژی هەینی 6ی ئابی 2021 بڵاویکردووەتەوە، لەسەر راسپاردەی حکومەتی عێراق بڕیاردراوە بە راگرتنی سەرجەم گەشتە ئاسمانییەکان لە عێراقەوە بۆ بێلاڕوس تا کاتێکی نادیار.

ئەوەش ھاتووە کە بڕیارەکە سەرجەم کۆمپانیاکانی گواستنەوەی ئاسمانیی لە عێراق و سەرجەم ئەو کۆمپانیایانەی کە لە وڵاتەکەدا کار دەکەن، دەگرێتەوە.

ئاماژە بەوەشدراوە کە تەنھا رێگە بەو گەشتانە دەدرێت کە ھاووڵاتییانی عێراق لە بێلاڕوسه‌وه‌ دەگەڕێنێتەوە بۆ وڵاتەکە بەو مەرجەی فڕۆکەکان بەبێ ھیچ گەشتیارێک بچنە ئەو وڵاتە.

پێشتر چەندین جار وڵاتی بێلاروسیا عێراقی ئاگادارکردبوویەوە کە هاووڵاتییەکی زۆری عێراقی و وڵاتانی چواردەور بەناوی گەشتەوە و لە رێگەی فڕۆکەخانەی بەغداوە دەرۆنە بێڵاروسیا و چەند رۆژێک دەمەنێینەوە پاشان لە رێگەی قاچاخچییەوە بەرەو وڵاتانی لیتیوانیا دەرۆن کە سەر بە یەکێتی ئەوروپایە و پاشان دەرۆنە ئەو وڵاتەی کە خۆیان مەبەستیانە، بۆیە راگرتنت گەشتی بێلاروسیا و عێراق بەشێکی زۆری بۆ رێگەگرتنە لە کۆچی نایاسایی.