لە فڕۆکەخانەی کابول 7 ئەفغانی کوژران
Afghans gather on a roadside near the military part of the airport in Kabul on August 20, 2021, hoping to flee from the country after the Taliban's military takeover of Afghanistan. (Photo by Wakil KOHSAR / AFP)
SNN
سوپای بەڕيتانيا رايگەياند: ژمارەيەک خەڵک هەوڵيانداوە بچنە ناو فڕۆکەخانەی کابولەوە بەو هۆيەشەوە گرژی دروستبووە و حەوت ئەفغانی کوژراون”.
ميدياکانی جيهان لهسهر زاری وهزیری بهرگری بەریتانیاوه بڵاویانكردهوه: “ئهمڕۆ یهكشهممه حهوت هاووڵاتی ئهفغانی بههۆی گرژی و پشێوی و ئاڵۆزیهكانهوه له فڕۆكهخانهی كابوڵی پایتهخت كوژراون و چهندین كهسی دیكهش برینداربوون و چارهسهری سهرهتاییان بۆ دهكرێت”.
تا ئیستا ئاماژە بەوە نەکراوە کێ بەرپرسە لە کوشتنی ئەو هاووڵاتييە ئەفغانييانە، بەڵام سەربازانی ئەمريکا و بەريتانيا تۆمەتبار دەکرێن بەوەی بۆ دورخستنەوەی ئەو هاووڵاتيانە تەقەيان کردبێت.
لە ئێستادا بە هەزاران هاووڵاتی ئەفغانی رژاونەتە فڕۆکەخانەی کابول بەمەبەستی هەڵهاتن لە دەست چەکدارانی تاڵيبان کە ماوەی هەفتەيەکە چوونەتە خاکی ئەفغانستان، ديمەنەکانی فرۆکەخانە جێگەی سەرنجی ميدياکانن لە کاتێکدا ژمارەيە زۆر لە هاووڵاتيان هەوڵدەدەن بچنە ناو فڕۆکەکانەوە، بەڵام پرۆسەکە بەشێوەيەکی خاو لەلايەن بەڕيتانی و ئەمريکييەکانەوە بەڕێوەدەچێت.
