بەغدا.. بەمووشەک هێرشکرایە سەر ناوچەی سەوز

SNN–

ئەمشەو سێشەممە لەڕێگەی 3 مووشەکەوە هێرشکرایە سەر ناوچەی سەوزی بەغدا کە بینای زۆربەی نێردە دپلۆماتییەکانی تێدایە.

بەپێی زانیارییەکان یەکێک لەمووشەکەکان لەنزیک باڵیۆزخانەی ئەمریکا لەبەغدا کەوتۆتە خوار و زەنگی ئاگادارکردنەوەش لێدراوە.

هاوکات لەهێرشەکەدا مووشەکێک لەنزیک بینای باڵیۆزخانەی بەریتانیا کەوتۆتەخوار و تائێستا زانیاری لەبارەی بوونی قوربانی و زەرەر و زیانەکان نییە.

ئەمە یەکەمجار نییە بەمووشەک هێرشدەکرێتە سەر ناوچەی سەوزی شاری بەغدا کە بینا و نوسینگەی نێردەی زۆربەی وڵاتانی بیانی لێیە.