ئەمساڵ زیاتر لە دوو ملیۆن گەشتیار سەردانی هەرێمیان کردووە

SNN

لە سەرەتای ئەمساڵەوە تا ئێستا زیاتر لە دوو ملیۆن گەشتیار سەردانی هەرێمی کوردستانیان کردووە کە زۆرترینیان خەڵکی ناوچەکانی ناوەڕاست و خوارووی  عێراق بوون.

بە گوێرەی ئەو ئامارەی لە حکومەتی هەرێم بەردەستە، تا ئێستا بە دیاریکراوی دوو ملیۆن و 423 هەزار و 658 گەشتیار سەردانی ناوچە جیاجیاکانی هەرێمی کوردستانیان کردووە.

بەراورد بە ساڵی رابردوو رێژەی گەشتیاری لە هەرێمی کوردستان بەراورد بە ساڵی رابردوو رێژەی گەشتیاری لە هەرێمی کوردستان 31% زیادیکردووە.

پێشتر ئارام شوانی وتەبێژی بەڕێوەبەرایەتی گەشتوگوزاری سلێمانی لە لێدوانێکیدا بۆ SNN وتبووی: ” تەنها لەماوەی هەشت مانگی سەرەتای ئەمساڵدا زیاد لە 750 هەزار گەشتیار ڕوویان لە سنوری پارێزگای سلێمانی كردووە داهاتی هاتنی گەشتیارانیش زیاد لە 150 ملیۆن دۆلار بووە، هاتنی ئەو ژمارە زۆرەی گەشتیارانیش پەیوەندی بەو هێمنی و ئارامییەوە هەیە كە باڵی بەسەر سلێمانیدا كێشاوە”.