هەوڵى ناردنى 500 کیلۆگرام تى ئێن تى لە سوریاوە بۆ عێراق پوچەڵکرایەوە
AFP
SNN
شانەى راگەیاندنى ئەمنى عیراق دەستبەسەراگرتنى (500) کیلۆگرام مادەى (تى ، ئێن، تى) لە ناوچە سنوورییەکانى نێوان عێراق و سوریا راگەیاند.
شانەى راگەیاندنى ئەمنى عێراق لە راگەیەنراوێکدا بڵاویکردەوە: هێزێکى سەر بە فیرقەى (15) ى سوپاى عێراق لەسەر بنەماى زانیارى وردى هەواڵگرى رێگریانکرد لەهێنانى (500) کیلۆگرام مادەى (تى ئێن، تى) لەسوریاوە بۆ عێراق.
بەپێى راگەیەنراوەکە، چەند کەسێک هەوڵیاندوە ئەو بڕە (تى، ئێن، تى) یە لە سوریاوە بۆ عێراق بگوێزنەوە لە رێگەى گوندى (نعێم)ەوە کە دەکەوێتە سەرهێڵى سنورى نێوان هەردوو وڵات.
شانەى راگەیاندنى ئەمنى ئاشکرایکردووە: بەپێى رێوشوێنى یاسایى مامەڵە لەگەڵ ئەو بڕە مادەیە کراوە، بەڵام هیچ زانیاریەکى لەبارەى ئەو کەسانە ئاشکرا نەکردووە کە هەوڵى گواستنەوەى ئەو بڕە تەقەمەنیەیان لە سوریاوە بۆ عێراق داوە.
