وەزارەتی ناوخۆ: لە چەند مانگی داهاتوو تابلۆی ئۆتۆمبێل دەگۆڕێت

SNN

وەزيری ناوخۆی حکومەتی هەرێمی کوردستان رايگەياند: لە چەند مانگی داهاتوودا تابلۆی ئۆتۆمبێل دەگۆڕدرێت.

ڕێبەر ئەحمەد وەزيری ناوخۆی هەرێم لە کۆنفرانسێکی رۆژنامەنوسيدا رايەگەياند: لە چەند مانگی داهاتوودا تابلۆی ئۆتۆمبێل دەگۆڕێت،ئەوەی لەسەری ڕێککەوتووین لەماوەیەکی نزیکدا جێبەجێ دەکرێت، گرێبەستمان لەگەڵ کۆمپانیایەکی ئەڵمانیدا هەیە و لەماوەی چەند مانگی داهاتوودا تابلۆی ئۆتۆمبێلەکانی هەرێم دەگۆڕدرێن.

وتيشی “نازانين عێراق بڕيارەکە جێبەجێدەکات ياخود نا بەڵام ئێمە لەو وادەيەدا جێبەجێی دەکەين”.

سەبارەت بە ياسای چاکسازی باسی لەوەکرد: “پرۆژەی چاکسازی داهاتێکی زۆری بۆ حکومەت گەڕاندووەتەوە”.

سەبارەت بە پرسی تۆمارکردنی ئۆتۆمبێلە بێسەرەتاکان، وەزیری ناوخۆ ڕایگەیاند: “ئێمە سەرژمێری ئەو ئۆتۆمبێلانەمان کردووە و داوام لە هاتوچۆی گشتی و هاتوچۆی پارێزگاکان کردووە چارەسەرێک بۆ ئەو پرسە بدۆزنەوە.”