بەهۆی قوربانییەکانی هەولێرەوە لە سلێمانی یادی سەری ساڵ ناکرێتەوە
SNN
قایمقامی سلێمانی رایگەیاند: بۆ رێزگرتن لە قوربانیانی لافاوەکەی هەولێر، لە سلێمانی بەبۆنەی سەری ساڵەوە هیچ ئاهەنگ و چالاکییەک بەڕێوەناچێت.
ئاوات محەمەد، قایمقامی قەزای مەڵبەندی سلێمانی، لە کۆنگرەیەکی رۆژنامەوانیدا رایگەیاند: “بۆ دەربڕینی هاوخەمی سلێمانی بۆ قوربانیانی لافاوەکەی شاری هەولێر و شەهیدانی دەستی تیرۆرستانی داعش، بەبۆنەی هاتنی ساڵی نوێی زاینییەوە لەشاری سلێمانی هیچ بۆنەیەک ئەنجام نادرێت، ئهو رووداوانهی له ههولێر رویاندا نیگهرانی كردوون و پرسهی خۆیان دهگهیهننه كهسوكاری قوربانییهكان”.
ئاماژهی بهوهش كرد: “له چهند رۆژی رابردوودا بههۆی ئهو ئامادهكارییانهی كه كرابوو هیچ حاڵهتێكی نهخوازراو بههۆی بارانبارینی زۆرهوه له سلێمانی روینهدا، كه جێی خۆیهتی سوپاسی ههموو لایهنه پهیوهندیدارهكان بكهین و رێگهش نادهین هیچ هاووڵاتییهك دهستكاری ئینلێت و رێڕهوی باراناوهكان بكات.
لهبارهی حاڵهتهكانی تهقهكردنیش له ناو شاری سلێمانی، قائیمقامی سلێمانی هێزه ئهمنییهكانی راسپارد له ئهركی خۆیان بهردهوام بن له ههرشوێنێكدا پێویستی كرد مهفرهزهی تایبهت دابنێن، وتیشی: لەرۆژانی پشووی سهری ساڵدا لیژنههاوبهشهكانی قائیمقامیهت له كاری خۆیان بهردهوام دهبن و بهدواداچونهكانیان زیاتر دهكهن.
باسی لهوهش كرد سهرهڕای ئهوهی كه هیچ چالاكییهك لهلایهن حكومهتهوه ئهنجام نادرێت، بهڵام هێزه ئهمنییهكان له ههموو ناوچهكان بڵاو دهبنهوه بۆ رێگرتن له ههر حاڵهتێكی نهخوازراو.
