سەرۆكی لیژنەی ئەوقاف: چاوەڕێبووین ئەوانەی بوونە هۆی لافاوە تراژیدیاكەی هەولێر سزا بدرێن
SNN
هەورامان گەچێنەیی پەرلەمانتاری کوردستان رایگەیاند: چاوەڕێبووین ئەوانەی بوونە هۆی لافاوە تراژیدیاكەی هەولێر سزا بدرێن، بەڵام لە جیاتیدا وتاربێژێکیان دوورخستەوە لەسەر مینبەر.
هەورامان گەچێنەیی سەرۆكی لیژنەی ئەوقاف لەپەرلەمانی كوردستان لە پەیامێکیدا وتی: لەکاتێکدا چاوەڕێ بووین ئەوانەی بوونە هۆکاری لافاوە تراژیدیاکەی شاری هەولێری خۆشەوویست، ئاشکرا بکرێن و سزای پڕ بە پێستی خۆیان وەر بگرن. بەڵام بەداخەوە مامۆستایەکی خاوەن خزمەتی بەرچاوی وەك بەڕێز جەنابی دکتۆر سید أحمد لەسەر مینبەر دور دەخرێتەوە.
هەروەها لەبارەی ئەو مامۆستا ئایینیەوە دەڵێت: بەندە ئەم کارە بەخراپ و نادروست و بێ پاسا و دەزانم و داواکارم بەزووترین کات وەزارەتی ئەوقاف بەم بدیارەیدا بچێتەوە، و جەنابی مامۆستا د. سید أحمد بگێڕێتەوە بۆ ووتاردان لە مزگەوتەکەی خۆیدا.
